البث المباشر
مرحبااااا صبايا وشباب.. انا بنت عمر 24 سنة بتعلم بحيفا ، سنة 3، المهم انا بنت متعلمة وملتزمة ونغشة وكتير شباب اتقدمولي بس رفضتهم ومرات كانو يكونو الشباب احسن مني من ناحية تعليم وعائلة بس انا مكنتش اقتنع بشخصيتو..
انا بحب الشاب اللي قد حالو واللي شخصيتو حلوة ومش مهم اذا متعلم او لا.
وحتى وانا بالتعليم ولا مرة لفت نظري شاب بتعلم معي لانو ولا واحد فيو مواصفات فارس احلامي، بس !!! في بالتعليم شاب بشتغل بالتنظيف من القرى كتير بعجبني ومرات بنزل على التعليم بس عشان اشوفو واطلع عليه وهو كمان بطل عليي بس بعرفش اذا هو كمان معجب فيي ولا ستام بطلع!!
صرلي سنتين حوالي معجبة فيو بس ولا مرة صار في بيناتنا حكي وحتى اذا اهلي عرفو ابصر شو بعملو !! انو انا بنت متعلمة ومن عيلة راقية افكر ارتبط بشاب بشتغل بالنظافة هاي مصيبة وكارئة كبيرة بالنسبة الهن!!
مش عارفة شو اعمل عامل النظافة ولا مرة فاتحني بالموضوع ويمكن اكون بس انا اللي معجبة فيو وكمان خايفة من اهلي اذا عرفوا.
