البث المباشر
المعرض كان يحتوي على عدة اعمال فنية من بينها عملي الفني "سينابسه" اللي كان يحكي بالبداية عن منى بشكل خاص، الا انه فكرته تطورت لتحكي عن فترة عصيبة وصعبة مرينا فيها جميعاً وبالاخص نساء عيلتي قريتي وبلدي..
فترة العزلة بسبب الجائحة وبسبب انه اغلبنا اضطرينا نضل بالعزلة "בידוד״ بسب الوضع الصحي الصعب لفترة طويلة، وانا بعملي الفني المعروض خصصت نساء قريتي اللي عانوا بشكل جدي صحياً وما زلن يعانون، قمت بجمع ملابسنا وربطهن ببعض بدون اي مواد مساعدة، ليُستعملن كوسيلة لتحدي هذه الصعوبات وتخطيها والحفاظ على قوتهن عن طريق حبل من الملابس المربوطة. في هذه الفترة التباعد وعدم التجمهر هو الحل الاساسي لعدم انتشار الفايروس، لذلك قمت بإختيار بناء حبل طويل ليحافظ على التقارب الروحاني بين الشخص والاخر، وبالاخص بين مرضى الكورونا في فترة العزلة، وهم في هذه الفترة بأمس الحاجة لوجود الاقارب والاصدقاء حولهم لكي يساعدهم وجودهم في تخطي فترة العزلة والمرض الصعبة..
الفن هو عبارة عن التعبير عن كل المشاعر الداخلية والمحيطة بطرق مختلفة، لذلك قمت باختيار نوع فن مُختلف ليدعم فكرتي..
كُلي أمل، انه عملي يكون وصل لقلب كل شخص شافوا..
وكُلي أمل، انه بيوم مُجتمعنا يكون داعم بشكل أكبر في زمن صار للفن صوت ومحل يعبر بكل شفافية ويوصل فكرة معينة من خلاله.. وانه نكون مثقفين فنياً بشكل أكبر".
